Sempama Pom 1

NO.	SEMPAMA	RETI SEMPAMA
1	abis akal	Nadai chara agi ngereja tauka mutarka sesebengkah pekara
2	abis ati	Tekenyit / kesal
3	abis tulang	Nadai pengering agi
4	agi bau lia	Agi mit
5	amu mata	Semua deka diempa magang
6	angkut semut	Mindahka utai ngena chara mimit-mimit
7	asi udah nyadi bubur	Pekara ke udah nyadi enda ulih dipulaika baru
8	ati ari	Mensia ke enda entap penemu
9	baka amau di puchuk tuga	Pendiau ke enda entap
10	baka batu tungku	Mensia ke nelap
11	baka chabi padi	Saiz tubuh mit tang tan ngereja pengawa
12	baka ke betumbak umpan	Bekayuh ngena chara penapat inat
13	baka ketup lelabi mati	Enda ngelengkaka pengawa ngapa
14	baka tubu sulur rebung, baka paku betampung gelung	Seruran nampung pengawa orang ke dulu
15	baka ukui enggau mayau	Enda tau betemu / belaya belama
16	bediri sama tinggi, duduk sama baruh	Tikas pendiau sama enggau orang bukai
17	bekikis bulu betis, bebuai bulu gundai	Bebendar ngereja pengawa kena ngulihka sesebengkah pekara
18	belah rutan	Seri / medu
19	bengkak jari	Penti ke bini ngandung
20	bentut tulang	Enggai ngereja pengawa
21	bepaut pending	Nunjuka gaya pemendar ngema utai
22	betubuh bisi	Ngandung
23	dilah enda betulang	Mansutka jaku sebarang
24	dulu ngetup garam	Dulu ada
25	iya ga gemu, iya ga betelu	Udah ga bisimajak nambah ga pengaya
26	jaku ngelambung langit	Sumbung / bejaku besai
27	jera apai jera indai	Nasal
28	lempung sama nanggung, berat sama ngangkat	Ngereja pengawa besaup
29	main ular	Ngular ngereja pengawa
30	matahka lengan	Makai
31	mimit-mimit, lama-lama nyadi bukit	Ditaruh mimit ujung-ujung nyadi mayuh
32	munyi burung ke makai buah kara	Rami / richah
33	nibarka jala enda betating	Bejaku enda berunding dulu
34	rapas penyuluk	Asi agi bisi tang lauk nadai agi / nadai agi belanja
35	sama penepan, sama menalan	Sama endur

Dibali ari : Bup Teks Bahasa Iban Pom 1