Tekang
ais ba Tasik Artik belabuh lela sereta pechah lalu dijangka abis dalam kandang
beberapa dekad deka datai laban pengagat global. Tasik nyadi ba atas tekang ais
Greenland ke majak nipis bepun ari pengangat global. Pengagat global nya situasyen
ke alai kandang menua nerima penambah kesuh pengagat ke tinggi bebanding enggau
kesuh pengangat normal. Nya kebuah maya malam mega kitai deka ngasaika
pengangat. Pekara tu nyadi endang bepun ari ulah kitai mensia baka berimba
kampung, aktiviti industri, nunu sechara tebuka, asap kereban pengangkut,
aktiviti pemansang enggau ke bukai.
Penyilap
mensia ngagai rampa menua meri empas negatif. Iya ke pemadu nampak endar diatu
iya nya pengelela ais ba kutub utara ke majak balat. Peninggi paras ai tasik majak
tinggi lalu pemesai saiz kandang darat dunya nyau majak mit. Kelimpah ari nya
mega, suah nyadi kudi menua baka kemarau, bah enggau angus. Raban sains enggau
geografi sepenemu madahka pengangat global balat bepun ari lapis ozon ke majak
mipis berindik ari penambah pemansut gas kloroflurokarbon (CFC) ngagai kandang
atmosfera dunya. Isu pengangat global nyadi tegal mayuh bengkah faktor.
Kelimpah ari ozon ke majak nipis, fenomena kemarau enggau sebum, pulau haba,
ujan asid enggau empas rumah gadung mega mari sungkak ngagai isu pengangat
global.
No comments:
Post a Comment