Dunya majak angat. Suba pengidup
chelap lindap, berasai lantang tang diatu nyau betambah tusah. Menya pendiau
enggau pengidup berasai nyamai tang jeman ke diatu suah agi ke napi pemedis.
Ruang kandang angin penuh laban lunyu gas berachun. Balat kamah angina dunya
diatu. Nadai chara, enda alah diseliah. Enggai enda nya meh disintak kena
enseput. Munyi kampung diperimba, nyau bekeserum, bekesetak, bekeserak
digasakka kontraktor lalu ditambahka sayat injin tinso. Nyau berenaing munyi
utai. Dunya majak lasu nadai agi penyigat. Bau wangi enggau bau rengut bungai
kayu abis lengis. Alah laban bau asap minyak binjin ke pansut ari injin kerita
enggau dikesuhka mesin industri petrokimia.
No comments:
Post a Comment