Klimet
nya jaku nama ke diinjau serap ari jaku English iya nya climate. Reti jaku
klimet nya gaya hari baka kesuh pengagat, ujan, panas, pengerangkai enggau
pengembap kandang angin enggau ke bukai dalam timpuh ke panjai iya nya setaun
tauka lebih. Ubah gaya hari enda baka selama. Taja pan pemanjai siti – siti
musim agi baka selama tang fenomena kudi baka bah besau enggau pengangat hari
ekstrim ari selama. Chunto iya, magnitud pengerangkai ekstrim lebuh musim
kemarau. Beduduk ari nya risiko ke deka ditapi mensia mega majak nambah. Ukai
semina deka meri empas ngagai reta tengkira tang mega pengelikun nyawa mensia.
Semua pekara tu endang bepun ari fenomena pengangat global. Pengangat global
ngeyampatka sungkak kesuh pengangat dunya lalu ais ba kutub dunya lela.
Berindik ari nya, tikas ai tasik deka niki lalu ngujungka kudi bah besai nyadi.
Nya kebuah semua mensia patut betatika tanggung pengawa metin fenomena pengangat global tu terus nyadi. Aktiviti
pemansang patut diatur ngena chara efektif awakka enda meri empas ke negatif
ngagai pengelikun klimet dunya.
No comments:
Post a Comment